Çeku: Komuna e Prishtinës ka rreth 60 milionë euro borxhe, si pasojë e pesë kontratave të lidhura me problematika ligjore

12:57 | 1 Nëntor 2025
E.K

Kandidati për kryetar të Prishtinës nga Lëvizja Vetëvendosje, Hajrulla Çeku, ka deklaruar se Komuna e Prishtinës ka rreth 60 milionë euro borxhe, si pasojë e pesë kontratave me problematika ligjore dhe shkelje të tjera.

Ai theksoi se prioritet i tij do të jetë menaxhimi i borxheve dhe zbatimi i projekteve në dobi të qytetarëve, pavarësisht sfidave financiare që gjenden aktualisht në komunë.

“Komuna e Prishtinës ka rreth 60 milionë euro borxhe, si pasojë e pesë kontratave të lidhura me problematika ligjore dhe shkelje të tjera. Përveç gropave në rrugë, jam i vetëdijshëm se Komunën do ta marr edhe me gropa financiare. Megjithatë, këto nuk do të përdoren si justifikim për mospunë. Çdo projekt do të trajtohet me përkushtim dhe përgjegjësi. Mund të kërkojë pak më shumë kohë, por unë do ta bëj betejën deri në fund që të mos i humbim ato para”, shkroi ai./Arbresh.info